A segunda sesión da Semana das Ciencias, foi un día moi especial para a nosa
comunidade educativa e a profesora de Bioloxía Pamen García Romalde foi a encargada de presentar a Ángel Carracedo.
Cando tes diante un sabio, o tempo detense e a
aprendizaxe convértese nun privilexio. Ángel Carracedo é un dos maiores expertos internacionais en Medicina xenómica.
Como acontece cos
sabios, estes acostuman ter o don de transmitir os seus coñecementos
dunha maneira próxima e rigorosamente didáctica. Por iso nos explicou
dun xeito tan plástico que o libro do xenoma humano está escrito en 23
tomos, como se se tratara dunha historia da Humanidade, que realmente é o
que explica esta metáfora. E que, aínda que a primeira molécula da vida
mutou sen parar, dando como resultado a diversidade na Terra, realmente
o ser humano leva aquí dous días, como quen di: apenas 200 millóns de
anos.
Ler ese libro do
xenoma humano, interpretalo, seica levou 12 anos, implicando a miles de
científicos e investindo miles de millóns de dólares nesa aventura do
coñecemento e da evolución humana: a maior revolución científica da
Historia, segundo as súas palabras.
Home sabio e
xeneroso, Ángel Carracedo deixoulles o noso alumnado, que non
pestanexaron durante máis dunha hora mentres o escoitaban, unha fermosa
lección de futuro que el aprendera da súa avoa: "mira sempre as estrelas
e trata de alcanzalas".
Quedámoslle profundamente agradecidas!!!
📌 Álvaro Rodríguez Pais, alumno de 1º de Bacharelato de Artes agasallouno cun gravado feito por el
📢 Tamén podedes ver a nova en prensa
Ningún comentario:
Publicar un comentario