BOAS FESTAS E FELIZ ANINOVO 2025!!! 🎉 🎉🎉

Chega o final deste ano, e queremos dar as grazas a todas e todos pola vosa confianza, polo voso apoio e por compartir as vosas dudas, as vosas inquedanzas e as vosas ideas.  Grazas a todas e todos porque sin vós a ANPA non existiría.

Este novo ano que entra é unha páxina en branco, chea de oportunidades, ilusións e soños por cumprir. Que o 2025  traia saúde, alegría, e éxito en todo o que nos propoñamos.

💓 Desde a ANPA de Sar, desexámosvos unhas festas máxicas e un gran comezo de ano. Que este sexa un tempo para compartir, reflexionar e soñar.

 

FELICES FESTAS E FELIZ 2025 cheo de esperanza  

PREMIO EXTRAORDINARIO DE BACHARELATO CURSO 2023-24

Dende a Directiva da ANPA de Sar queremos trasladar a nosa noraboa a Alba Graña Rodríguez que recibíu por parte da Xunta de Galicia o PREMIO EXTRAORDINARIO DE BACHARELATO do curso 2023-24.  Este recoñecemento pon en valor o seu esforzo, adicacion e excelente rendemento académico.

Parabéns tamén a súa familia e profesorado, cuxo apoio foi fundamental.

Parabéns, Alba! Seguro que este é só o inicio dunha traxectoria chea de éxitos. 👏👏👏

 

ESTES SON ALGÚNS DOS ENLACES A TRAVÉS DOS CALES PODEDES VER A NOVA:

https://www.elcorreogallego.es/santiago/2024/12/14/cuatro-estudiantes-santiago-premios-extraordinarios-bachillerato-112612368.html

 

https://www.xunta.gal/notas-de-prensa/-/nova/008194/xunta-reconoce-excelencia-20-alumnos-con-premio-extraordinario-bachillerato-202324 

PROGRAMA CONCILIACIÓN DE NADAL 12-17 ANOS CONCELLO DE SANTIAGO

 

 

A Concellaría de Mocidade do Concello de Santiago organiza un Programa de Conciliación de Nadal destinado a mozos e mozas de entre 12 e 17 anos, cunha temática principal: a Arte.

👩‍🎨🎨 Durante esta actividade, os/as participantes gozarán dun espazo para a experimentación artística, o esparcemento e a convivencia.

📅 Prazo de inscrición: Aberto ata o 18 de decembro.

📩 Como participar? Enviando a ficha de inscrición cuberta ao correo: dptoxuventude@santiagodecompostela.gal.

 

🎭 Non deixes pasar esta oportunidade de explorar o mundo da arte e crear momentos únicos de convivencia e lecer!

📎 No cartel informativo atoparás máis detalles, e a ficha de INSCRICIÓN en formato editable para facilitar o proceso.  Tamén a podes IMPRIMIR e cubrir

👉 Anímate e inscríbete xa!

DÍA DOS DEREITOS HUMANOS

 

Hoxe, no Día Internacional dos Dereitos Humanos, facemos unha reflexión sobre a importancia de construír unha sociedade xusta e igualitaria.  Esa construción comeza cunha base sólida: os dereitos humanos. Dende a ANPA de Sar temos claro que estes valores universais deben estar presentes en cada recuncho dos nosos centros educativos, porque a educación non é só un dereito, senón tamén o camiño máis directo para protexer e promover todos os demais dereitos.

Defendemos o acceso universal a unha educación pública de calidade para todo o alumnado. Porque cada nena e neno, independentemente da súa orixe, xénero, capacidade ou situación socioeconómica, merece as mesmas oportunidades para crecer e desenvolver o seu potencial.

Promovemos tamén a igualdade de oportunidades, o respecto e a diversidade nas aulas, co convencemento de que estas son as bases para unha convivencia enriquecedora. Nos centros educativos, o alumnado debe atopar un espazo seguro onde aprender non só contidos académicos, senón tamén valores democráticos e dereitos fundamentais.

A educación é unha ferramenta poderosa. É o noso mellor recurso para garantir os dereitos humanos, tanto para as xeracións presentes como para as que veñen. Por iso, dende a ANPA de Sar reafirmamos o noso compromiso cun sistema educativo que sexa reflexo dunha sociedade onde todas e todos teñan un lugar.

Xuntas e xuntos, seguiremos traballando por unha escola máis inclusiva, máis respectuosa, máis igualitaria. Porque cando educamos en dereitos humanos, estamos sementando un futuro mellor. Hoxe e sempre, defendamos os dereitos humanos desde as aulas.

DÍA INTERNACIONAL DAS PERSOAS CON DISCAPACIDADE

 

 

 

 

Hoxe, 3 de decembro, no Día Internacional das Persoas con Discapacidade, queremos alzar a voz por unha causa imprescindible: garantir unha educación pública plenamente inclusiva que respecte e promova os dereitos de todo o alumnado, independentemente das súas capacidades ou necesidades específicas.

Desde a ANPA de Sar, defendemos que a inclusión educativa é moito máis que un obxectivo: é un dereito fundamental que debe converterse nun compromiso colectivo da sociedade. Para acadalo, sería preciso:

✅  Recursos suficientes para atender á diversidade nas aulas e ofrecer unha educación adaptada a cada necesidade.

✅  Dotación de profesionais especializados en todos os centros educativos, asegurando apoio de calidade para todo o alumnado.

✅  Formación continua para o profesorado e programas de sensibilización para toda a comunidade educativa, fomentando unha contorna de respecto e igualdade.

✅  Eliminación de barreiras físicas, sociais e tecnolóxicas que poidan dificultar o acceso pleno á educación.

A educación inclusiva é o camiño cara a un futuro máis xusto, igualitario e diverso. Como sociedade, temos a responsabilidade de romper barreiras e construír unha escola que abrace a todo o alumnado, sen excepción.

Neste día, un ano máis, reafirmamos o noso compromiso coa inclusión e animamos a todas as persoas e institucións a traballar conxuntamente para facer desta visión unha realidade. Porque a educación é a base do cambio social, e só a través dela podere
mos avanzar cara a unha sociedade máis equitativa e solidaria.