Por fin remata a espera!!! Mañá celébrase a Feira das Profesións, un evento para explorar diferentes camiños profesionais, coñecer persoas expertas de primeira man e resolver todas as vosas dúbidas sobre o voso futuro.
📅 Cando? Mañá, xoves 30 de xaneiro de 2025
🕔 Hora? De 17:00h a 20:00h
📍 Onde? IES de Sar
Será unha xornada chea de aprendizaxe e inspiración.
Non deixedes pasar a oportunidade de descubrir a profesión que pode cambiar o voso futuro! 🎯💡
Este mércores, 22 de xaneiro, ás 18:30h, na Casa das Asociacións (Antiga estación de Cornes), Rúa Manuel Beiras, 3, terá lugar a xornada formativa: “A prevención das tecnoadiccións nas nosas crianzas”
A sesión, organizada no marco das xornadas sobre prevención de adicción ás pantallas, contará coa participación de Ramón Molina, educador social e coordinador técnico dos programas impulsados pola Concellaría de Mocidade do Concello de Santiago. Ramón compartirá a súa experiencia traballando nos obradoiros de prevención en centros educativos e coa percepción das familias sobre este tema.
🎯 Que poderás aprender?
✅ Coñecer os obradoiros de prevención de adiccións ás pantallas.
✅ Identificar factores de risco e de protección ante as tecnoadiccións.
✅ Aprender a xestionar conflitos relacionados co uso de dispositivos tecnolóxicos no fogar.
✅Pautas educativas para establecer unha boa hixiene dixital na familia.
Esta sesión é unha oportunidade única para reflexionar sobre o impacto das tecnoloxías nas nosas vidas e para dotarte de ferramentas que axuden a protexer ás crianzas fronte a posibles adiccións.
🎟️ A entrada é libre e aberta a todas as familias interesadas.
🤔 Que queres ser cando sexas maior?
Esta é unha pregunta que máis dunha vez lle fixemos as nosas fillas e fillos, pero que pasa cando non se sabe? Non se ten claro? Non se sabe por onde empezar? Para tentar axudar e orientar ao alumnado e ás súas familias e atopar respostas, desde a ANPA de Sar xunto co IES de Sar estamos a organizar, con moitísima ilusión, a Feira das Profesións, un evento pensado para conectar a alumnado e familias con profesionais de diversos sectores.
📅 Cando e onde?
📌 Xoves, 30 de xaneiro
🕔 De 17:00h a 20:00h
🏫 No IES de Sar
💬 Que atoparás nesta Feira das Profesións?
Este evento ten idea de ser un espazo dinámico e inspirador para toda a comunidade educativa. Entre os seus principais atractivos destacamos:
📚 Mesas informativas: onde profesionais de múltiples sectores estarán en mesas asignadas para explicar de xeito próximo e práctico en que consiste o seu traballo, cales son os retos que enfrontan, que habilidades ou formación son necesarias, ....
🤝 Espazo de diálogo: onde tanto o alumnado como as familias poderán interactuar directamente con estes profesionais, exporlles preguntas e mesmo resolver dúbidas como:
📌 Que estudos necesitas para chegar a esta profesión?
📌 Como é o día a día neste traballo?
📌Que recomendacións darías a alguén interesado/a no teu sector?
🌟 Por que non podes faltar?
A Feira das Profesións é unha oportunidade única para:
👉Ampliar horizontes: Coñecer de preto profesións que quizais antes non considerabas.
👉Inspirar vocacións: Axudar a descubrir intereses e camiños que poidan marcar o futuro profesional do alumnado máis novo ou mesmo daquel que aínda non ten claro por onde encamiñar o seu futuro.
👉Involucrar ás familias: porque a orientación profesional é unha tarefa que comeza dende a casa, e espazos como este poden servir de axuda.
🎯 Agardámoste!!!
Sexas alumnado, nai, pai, titora, titor legal, esta é unha ocasión para explorar, aprender e, sobre todo, soñar co futuro. Non faltes!!
Ven a descubrir as posibilidades que te esperan na Feira das Profesións do IES de Sar!!!
.jpg)
A Semana das Artes no IES de Sar, un ano máis, chegou ao seu fin, deixando tras de si unha pegada profunda de creatividade, aprendizaxe e inspiración no noso alumnado e comunidade educativa. Durante oito días, o noso instituto converteuse nun espazo vivo onde a arte, a historia, a literatura e a música confluiron para ofrecer experiencias enriquecedoras e memorables.
Que nos deixa esta Semana das Artes?
✅A oportunidade de aprender de grandes profesionais, como escritores, artistas, músicos e académicos que compartiron o seu coñecemento e paixón pola súa disciplina.
✅Obradoiros prácticos e charlas que achegaron o alumnado á realidade profesional e ao proceso creativo, inspirándoos a explorar o seu propio potencial artístico.
Queremos destacar o compromiso e a implicación de todas as persoas que fixeron posible esta semana:
👥 Aos relatores e artistas convidados, que coa súa sabedoría e talento enriqueceron as nosas aulas.
👥Ao profesorado e ao alumnado, pola súa participación activa e entusiasmo en todas as actividades.
👥Ás familias, polo seu apoio continuo ás iniciativas culturais do noso instituto.
A Semana das Artes é moito máis que unha serie de actividades: é unha celebración do talento, da cultura e do poder transformador da arte. Grazas a todas e todos por facer deste evento un verdadeiro éxito.
Seguimos apostando pola creatividade e a cultura como piares fundamentais na educación do noso alumnado.
Grazas e ata a próxima Semana das Artes!!!🎉😊
.jpg)
A Semana das Artes chega ao seu fin este venres 17 de xaneiro, despois dunha intensa semana chea de actividades que destacaron o talento, a creatividade e o enriquecemento cultural da nosa comunidade educativa.
Durante estes días, o noso instituto converteuse nun punto de encontro para explorar diferentes expresións artísticas, desde a fotografía ata a escultura, pasando pola arte urbana e experiencias profesionais inspiradoras. As conferencias, exposicións e coloquios proporcionaron momentos únicos de aprendizaxe e reflexión para o noso alumnado.
Queremos dar as grazas a todas as persoas, tanto relatores/as como á comunidade educativa: equipo directivo, profesorado, alumnado, familias, .... que fixeron desta Semana das Artes un evento memorable.
Non perdades detalle deste último día que pon o broche de ouro á Semana das Artes coa presentación do disco "Casa do Ferreiro" de Xavier Ferreirós, ex-profesor do IES de Sar, dirixida ao alumnado de 4º da ESO, 1º de Bacharelato E e 2º de Bacharelato E.
Grazas por acompañarnos nesta viaxe artística!!!
.jpg)
Chegamos á recta final da Semana das Artes con dúas xornadas cheas de aprendizaxes e actividades inspiradoras para o noso alumnado:
📅 Xoves, 16 de xaneiro
⌚ 11:40h: Conferencia titulada "O herbario de Rosalía de Castro: educación literaria e medioambiente", impartida por María López Sánchez, membro da Real Academia Galega e escritora. Vai dirixida ao alumnado de 1º de Bacharelato D e E, e 2º de Bacharelato E.
⌚ 08:50h - 14:30h: Visita guiada ao Museo de Pontevedra co alumnado de 4º da ESO, onde poderán descubrir a riqueza artística e cultural desta institución.
📅 Venres, 17 de xaneiro
No último día da Semana das Artes, celebraremos unha actividade moi especial para pechar este evento:
⌚ 10:50h - 11:40h: Presentación do disco "Casa do Ferreiro", de Xavier Ferreirós, ex-profesor do IES de Sar, docente de Xeografía e Historia e músico. Esta actividade está pensada para o alumnado de 4º da ESO, 1º de Bacharelato E e 2º de Bacharelato E.
Un ano máis, a Semana das Artes foi unha experiencia única que enriqueceu o alumnado a través da creatividade, o talento e a aprendizaxe. Grazas a todas as persoas que fixeron posible esta iniciativa.
Grazas por acompañarnos nesta viaxe artística!
Despois do éxito da primeira sesión o pasado mes de novembro, este mércores, 15 de xaneiro, retomamos as nosas Xornadas de Sensibilización para familias co tema:
📜"MENORES E TECNOLOXÍAS: O gran reto das familias".📜
🗣️ Nesta ocasión, contaremos con Anabel Mosquera González, pedagoga e formadora, e técnica en prevención de condutas de risco con menores e as súas familias
🗓️ CANDO? Mércores, 15 de xaneiro
⏰ HORA: 18:30h
📍 LUGAR: Casa das Asociacións de Cornes (Rúa de Manuel Beiras, Nº3)
🎟️ Actividade de balde e aberta! (Aforo limitado)
💡 Por que asistir?
👉 Aprende a detectar os riscos dun uso excesivo das pantallas.
👉 Descubre pautas e estratexias para un uso dixital responsable.
👉 Conecta co traballo preventivo nas escolas e as familias.
📧 Máis información: dptoxuventude@santiagodecompostela
.jpg)
A Consellería de Educación publica as datas para o proceso de admisión do curso 2025/26. A continuación, contamos a modo resumo os datos máis destacados:
| ||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|
Si continuamos estudos no IES de Sar, NON TEMOS QUE FACER NADA ata que formalicemos a matrícula | ||||||||||||||||||||
Novidades para o próximo curso:
👉 Menos alumnos por aula: O rateo máximo será de 20 alumnos por aula en 5º de Educación Infantil.
👉 Tramitación en liña: A través da aplicación "Admisionalumnado", a cal nos permite realizar solicitudes electronicamente, consultar o estado do trámite e manter o contacto coa administración educativa.
📢 Lembra que as listas provisionais de admitidos publicaranse o 25 de abril e as definitivas o 15 de maio.
Se necesitas máis información podes acceder no seguinte enlace
👇
PRAZO SOLICITUDES CURSO 2024-25
