A Dirección Xeral de Ordenación e Innovación Educativa publicou a Resolución do 4 de febreiro de 2025 que establece as instrucións para a acreditación da competencia dixital do alumnado de educación secundaria obrigatoria (ESO) e bacharelato en Galicia durante o curso 2024/25.
Obxectivo da acreditación
Esta iniciativa busca garantir que o alumnado adquira as competencias dixitais necesarias para integrarse plenamente na sociedade dixital actual, fomentando o uso seguro e responsable das tecnoloxías. Esta medida está na liña do Marco Galego de Competencias Dixitais (ComDix) e o DigComp europeo.
Niveis de acreditación
A acreditación contempla dous niveis:
- Nivel de Iniciación: Para o alumnado que obtén o título de graduado en ESO.
- Nivel Intermedio: Para o alumnado que obtén o título de bacharel e supera unha proba específica na área de "Seguridade e privacidade".
Modalidades de acreditación
- ESO: A obtención do título de graduado da ESO inclúe a acreditación automática do nivel de iniciación.
- Bacharelato:
- O título de bacharelato acredita as competencias nas áreas de información e datos, comunicación e colaboración, creación de contido dixital e solución de problemas.
- Para acadar o nivel intermedio completo, o alumnado debe superar unha proba específica sobre seguridade e privacidade.
Proba específica para bacharelato:
|
DESTINATARIOS |
Alumnado de 2º de bacharelato |
|
INSCRICIÓN |
Do 5 ao 20 de febreiro a través da aplicación https://www.edu.xunta.gal/programaseducativos/, na sección "Proba de acreditación de competencias dixitais - Área dominio 4 - 2º Bacharelato" |
|
FORMATO DA PROBA |
12 preguntas en 20 minutos. Requírese acertar o 60% para aprobar |
|
DATA DA PROBA |
Terá lugar en marzo de 2025 nos propios centros educativos |
Validez da acreditación
As certificacións terán unha validez de cinco anos dende a data de obtención do título ou da proba.
Podedes atopar máis información:
· contactando co centro educativo (IES de Sar) ou ben
· a través do Portal educativo da Xunta de Galicia:
https://www.edu.xunta.gal/portal/node/45764
Ningún comentario:
Publicar un comentario